Inauguración do Espazo Xesús Fortes

Este mes de maio, o Departamento de Servizos socioculturais e á comunidade, dentro do Proxecto de Humanización de espazos, inaugurou o espazo de horta, asignándolle o nome do seu impulsor, Xesús Fortes, docente do CIFP Portovello até o pasado curso. O “Espazo Xesús Fortes” será un espazo para seguir sementando os valores que el transmitiu como docente.
O Proxecto de Humanización dos espazos, posto en marcha polo propio Xesús, inaugura cada curso académico un espazo do centro, desde o curso 2015/2016. Nesta ocasión, o espazo escollido para a inauguración foi a horta do centro. Un espazo que engloba 3 puntos chave: os bancais de cultivo, a zona de prantas aromáticas e o estanque, e que está sendo coidado cos grupos de primeiros cursos do Departamento.
Este acto contou na organización do mesmo coa colaboración dun grupo de alumnado de 1º de APSD.