Ciclo superior de administración e finanzas (distancia)
Duración: 2000 horas
Saídas profesionais
Ao rematar o ciclo poderás traballar por conta propia ou allea, en empresas grandes, medianas ou pequenas e en calquera sector de actividade. Desempeñaras tarefas administrativas na xestión e no asesoramento nas áreas laboral, comercial, contable e fiscal desas empresas e institucións, ofrecéndolles un servizo e atención á clientela e á cidadanía, realizando trámites administrativos coas administracións públicas e xestionando o arquivo e as comunicacións da empresa. Poderás asemade, traballar por conta propia, efectuando a xestión da túa propia empresa, ou a través do exercicio libre dunha actividade económica, como nunha asesoría financeira ou laboral, estudos de proxectos, etc As ocupacións e os postos de traballo máis salientables son os seguintes:
- Administrativo/a de oficina.
- Administrativo/a comercial.
- Administrativo/a financeiro/a.
- Administrativo/a contable.
- Administrativo/a de loxística.
- Administrativo/a de banca e de seguros.
- Administrativo/a de recursos humanos.
- Administrativo/a da Administración pública.
- Administrativo/a de asesorías xurídicas, contables, laborais e fiscais, ou xestorías.
- Técnico/a en xestión de cobramentos.
- Responsable de atención á clientela.
Acceso a outros estudos
- O título de técnico superior en administración e finanzas permite o acceso directo para cursar calquera outro ciclo formativo de grao superior, nas condicións de acceso que se establezan.
- Este título permite o acceso directo ás ensinanzas conducentes aos títulos universitarios de grao nas condicións de admisión que se establezan.
- Para os efectos de facilitar o réxime de validacións entre este título e as ensinanzas universitarias de grao, asígnanse 120 créditos ECTS distribuídos entre os módulos profesionais deste ciclo formativo.
Módulos profesionais de primeiro ano
| Módulos Profesionais | Horas |
|---|---|
| Inlés | 160 |
| Xestión da documentación xurídica e empresarial | 80 |
| Ofimática e proceso da información | 240 |
| Proceso integral da actividade comercial | 133 |
| Comunicación e atención á clientela | 160 |
| Recursos Humanos e Responsabilidade Social Corporativa | 80 |
| Formación e orientación laboral | 107 |
Módulos profesionais de segundo ano
| Módulos Profesionais | Horas |
|---|---|
| Xestión de recursos humanos | 105 |
| Xestión financeira | 123 |
| Contabilidade e fiscalidade | 157 |
| Xestión loxística e comercial | 105 |
| Simulación empresarial | 140 |
Ao tratarse do primeiro ano no que se imparte este ciclo no centro so se ofertan os módulos do primeiro ano. Os módulos profesionais de Proxecto de administración e finanzas (26 h) e Formación en centros de traballo (384 h.) poderán ser cursados, previa matrícula, unha vez superados todos os módulos de formación no centro educativo, recollidos nas táboas anteriores.
Aspectos á ter en conta para a matrícula
Debido ás particularidades desta modalidade de estudos é importante ter en conta algúns aspectos á hora de realizar a matrícula dos módulos profesionais:
- A estimación do mínimo de adicación semanal necesaria é de 4 horas para un módulo cunha duración de 100 horas.
- Lembre que matricularse de máis módulos dos que pode atender:
1) Supón unha carga excesiva de traballo que lle pode levar ao abandono de todos os módulos. 2) Aínda que abandone soamente algúns, consume convocatorias (só ten 4 por módulo). 3) As prazas son limitadas. Se se matricula de todos os módulos e despois abandona algún ou todos, está perxudicando, ademais de a a vostede mesma, a outras persoas solicitantes que quedaron sen praza.
Horario
As titorías e as probas presenciais desenvólvense no edificio A (Luis Trabazos, 1), de 16:00 horas a 22:30 horas, segundo os horarios que serán publicados para cada módulos profesional.