CM Comercialización de Produtos Alimentarios
FP DUAL 2023-2025 (en colaboración co IES de Vilamarín)
Que se aprende a facer?
Desenvolver actividades comerciais en establecementos alimentarios físicos e en liña relacionadas coa planificación comercial, a xestión da loxística de almacenaxe, a distribución e a reposición de produtos alimentarios, e a supervisión das seccións de venda de alimentos perecedoiros e non perecedoiros, e de atención comercial a clientela e provedores, seguindo criterios de calidade e actuando segundo a normativa de prevención de riscos, seguridade alimentaria e protección do/da consumidor/a.
Que ocupacións se desempeñan?
- Responsable encargado/a de establecemento alimentario; de sección, sala ou departamento de tenda de alimentación.
- Xestor/a de pequeno comercio alimentario.
- Responsable encargado/a de comercios alimentarios en liña.
- Asesor/a comercial de produtos alimentarios.
- Vendedor/a de produtos alimentarios.
A que outros estudos se pode acceder?
- Acceso directo a calquera ciclo formativo de grao medio ou superior.
- Título de bacharelato.
Módulos profesionais 1º curso
- Linguaxe estranxeira profesional
- Mercadotecnia do comercio alimentario
- Atención comercial en negocios alimentarios
- Seguridade e calidade alimentaria no comercio (impartido en CIFP Vilamarín)
- Preparación e acondicionamento de produtos frescos e transformados (impartido en CIFP Vilamarín)
- Ofimática aplicada ao comercio alimentario
- Formación e orientación laboral
Módulos profesionais 2º curso
- Inglés (160 horas)
- Constitución de pequenos negocios alimentarios
- Dinamización do punto de venda en comercios de alimentación
- Loxística de produtos alimentarios
- Comercio electrónico en negocios alimentarios
- Xestión dun comercio alimentario
Temporalización
- Formación no centro de estudos: Setembro – Febreiro
- Formación remunerada na empresa: Marzo – Xullo
Horario
- Centro educativo: pola tarde de luns a venres (durante o primeiro curso dous días por semana a formación é impartida no IES de Vilamarín)
- Empresa: segundo o horario establecido pola propia empresa
Importe mínimo da bolsa a percibir durante a formación na empresa: 630 € mensuais
Empresas participantes
Número de prazas ofertadas: 30 prazas
Máis información:
Síguenos en:
